TarddLe
Gofalu am dir, afonydd a chronfeydd er mwyn amddiffyn eich dŵr yfed am flynyddoedd mawr i ddod.
Newyddion TarddLe
Dŵr Cymru yn gweithio mewn partneriaeth â CFfI Cymru i gynnal sioe wybodaeth deithiol i ffermwyr ifanc
Roedd hi’n hyfryd gweld tua 50 o ffermwyr ifanc a’u teuluoedd ym Marchnad Da Byw Sir Fynwy i glywed am TarddLe.
Cynnal y gweithfeydd trin dŵr ym mhob tywydd
Ar bob adeg o’r flwyddyn, mae angen i ni sicrhau ein bod ni’n darparu dŵr yfed glân a diogel, ac mae hynny’n cynnwys dros y gaeaf.
Grŵp Dŵr y Bannau'n croesawu ymwelwyr o Norfolk
Rhannu canfyddiadau’r prosiect â ffermwyr
Dŵr Cymru a ffermwyr lleol yn cydweithio i ddeall risgiau cryptosporidiwm mewn da byw a dŵr afonol
Mae Dŵr Cymru Welsh Water wedi bod yn helpu ffermwyr ym Mhowys i ddeall effaith heintiadau cryptosporidiwm yn eu hanifeiliaid.
Dŵr Cymru yn cefnogi amaethyddiaeth leol
Mae grwpiau o ffermwyr dofednod yn ardal Dalgylch Afon Gwy yn cael ymweliadau gan Dîm Dalgylchoedd Dŵr Yfed Dŵr Cymru er mwyn rhannu gwybodaeth mapio â nhw.
Dŵr Cymru yn cefnogi amaethyddiaeth leol
Mae Dŵr Cymru’n chwilio am grwpiau o ffermwyr fyddai â diddordeb gweithio gyda ni i helpu i ddiogelu cyflenwadau dŵr yfed.
Disgyblion yn cymryd rhan mewn gweithdy ar ansawdd dŵr
Mae grŵp o ddisgyblion Blwyddyn 11 Ysgol Bro Teifi yn Llandysul wedi cymryd rhan mewn gweithdy ar ansawdd dŵr, diolch i Dîm Dalgylch Dŵr Cymru.
Pa newydd?
PDF, 1.6MB
Yn y rhifyn hwn byddwn yn rhoi’r wybodaeth ddiweddaraf i chi am y gwaith y mae ein tîm wedi bod yn ei wneud yn ogystal â gwybodaeth am ein gweithgareddau ymgysylltu cymunedol.
Stori TarddLle
Mae dŵr ym mynd ar dipyn o siwrnai cyn cyrraedd ein cronfeydd.
O gwmwl yn yr awyr, mae pob diferyn o law yn llifo o'r tir ac yn ffeindio'i ffordd i mewn i nentydd, afonydd ac i mewn i'n cronfeydd dŵr.
Ar hyd y ffordd, gallai ddod ar draws pethau a fydd yn effeithio ar ei burdeb - anifeiliaid pori, tocio coed, cemegolion sy'n helpu bwyd i dyfu, neu hyd yn oed pobl sy'n cerdded y bryniau - ac mae hyn oll yn golygu nad yw'r dŵr sy'n llifo i'n cronfeydd mor bur ag y gallai fod.
Felly mae angen i ni ddefnyddio mwy a mwy o gemegolion ac ynni i'w wneud yn berffaith i'n cwsmeriaid ei yfed. Mae hyn yn costio mwy o arian ac mae'n gallu niweidio ein hamgylchedd.
Dyna pam ein bod ni'n gweithio gyda ffermwyr, grwpiau cymunedol a chwsmeriaid i newid sut rydyn ni'n gofalu am y tir. TarddLe yw'n henw ar hyn.
Beth yw TarddLe?
Ffordd newydd o ofalu am y tir o amgylch ein hafonydd, ein cronfeydd a'n moroedd er mwyn amddiffyn ein dŵr yfed nawr, ac am flynyddoed mawr i ddod yw TarddLe.
Rydyn ni wedi chwilio ym mhedwar ban y byd am y syniadau gorau, ac rydyn ni'n rhoi cynnig ar rai o'n syniadau newydd ein hunain er mwyn helpu i wella ansawdd ein dŵr cyn iddo gyrraedd ein cronfeydd.
Bydd hyn yn golygu y gallwn ddefnyddio llai o gemegolion ac ynni i drin dŵr yfed. Mae hynny'n newyddion da i'n cwsmeriaid ac i'n hamgylchedd prydferth.
Gall ffermwyr, perchnogion tir a cherddwyr oll helpu i chwarae eu rhan.
Egwyddorion TarddLe
Ein dull o reoli dalgylchoedd
Atal yn lle gwella
Nod ein dull o weithredu yw sicrhau bod ansawdd y dŵr cystal ag y gall fod cyn cyrraedd y gweithfeydd trin fel ein bod ni’n gallu defnyddio llai o emegolion ac ynni i’w drin.
Ar sail tystiolaeth
Mae cyflawni gwaith samplo, astudiaethau ac ymchwil yn ein helpu ni i fynd at wraidd problemau, a dod o hyd i atebion sy’n addas at eu pwrpas.
Y peth iawn i’n cwsmeriaid
Mae gwella ansawdd dŵr tra’i fod yn dal i fod yn yr amgylchedd yn gofyn am lai o adnoddau trin. Mae hynny’n helpu i gadw biliau’n isel ac yn amddiffyn yr amgylchedd ehangach.
Cynhwysol a chydweithredol
Rydyn ni am weithio gyda’r bobl, y busnesau a’r cymunedau sy’n byw, yn gweithio ac yn ymweld â’n dalgylchoedd er mwyn diogelu ein hadnoddau dŵr nawr ac ar gyfer cenedlaethau’r dyfodol.
Llu o fanteision
Mae cydweithio i ddiogelu ansawdd dŵr yn cynnig pob math o fanteision ychwanegol – rydyn ni’n helpu gydag effeithlonrwydd ffermydd, bioamrywiaeth, coedwigaeth, twristiaeth ac yn diogelu ein hadnoddau naturiol ar gyfer y dyfodol.