Rydym yn deall pwysigrwydd ansawdd dŵr afonydd a dyfroedd ymdrochi i’n cwsmeriaid, ac yn cymryd ein cyfrifoldeb i warchod yr amgylchedd ehangach o ddifri.
Ar y dudalen hon gallwch gael rhagor o wybodaeth am sut yr ydym yn gweithio’n galed ac yn buddsoddi i ddiogelu ein hadnoddau dŵr gwerthfawr a’r gwaith ehangach rydym yn ei wneud i warchod a gwella ein hamgylchedd gwerthfawr.
Ein Maniffesto ar gyfer Afonydd yng Nghymru
Rydym wedi cyhoeddi ein ‘maniffesto’ i amlinellu ein cynlluniau ar gyfer sut y byddwn yn buddsoddi i wella ansawdd dŵr afonydd yn ein hardal weithredu. Mae datblygiad y maniffesto yn cydnabod y pryder cyhoeddus cynyddol sydd ynghylch ansawdd dŵr ac yn manylu sut y byddwn yn buddsoddi £840m yn y pum mlynedd hyd at 2025 ac £1.4bn pellach rhwng 2025 a 2030 i warchod yr amgylchedd.
Rydym yn bwriadu targedu ein buddsoddiad at yr asedau hynny sy’n cael yr effaith fwyaf ar yr amgylchedd, boed hynny’n orlifau storm yn gweithredu mwy nag yr hoffem neu gormod o ffosfforws yn gadael ein gweithfeydd trin. Rydym yn deall bod yn rhaid i ni wella eu perfformiad. Mae ein cynlluniau yn cynnwys:
- Buddsoddi’n drwm mewn gwella gorlifoedd storm gan fuddsoddi £25m rhwng 2020 a 2025, gyda chynlluniau i fuddsoddi £420m pellach rhwng 2025 a 2030.
- Buddsoddi £60m pellach yn benodol er mwyn lleihau’r ffosffadau yn y pum afon sy’n methu â chyflawni’r safonau mewn Ardaloedd Cadwraeth Arbennig (ACA) yn ein hardal weithredu.
- Cyflawni rhaglen gynhwysfawr o welliannau yn ein gweithfeydd trin a fydd yn tynnu 90% o’r ffosfforws rydym yn ei ryddhau erbyn 2030.
- Mae model gweithredu ein busnes wedi caniatáu i ni gyflawni dros £100m o waith buddsoddi ychwanegol yn ein seilwaith dŵr gwastraff yn gynt na’r bwriad, a bydd cyflymu’r buddsoddiad o fantais uniongyrchol wrth wella afonydd yng Nghymru erbyn 2025.
Ein Maniffesto ar gyfer Afonydd yng Nghymru
PDF, 1.3MB
Maniffesto ar gyfer Afonydd yng Nghymru, sy’n amlinellu ein cynlluniau i helpu i wella ansawdd afonydd.